కదులుతున్న జయ భారతం

కదులుతున్న  జయ భారతం

కదులుతోంది జయ భారతం
కంటి నిండా కన్నీళ్లను పంటి కింద బిగబట్టుకొని
బతుకు భారాన్ని బొంతల్లో మూటగట్టుకొని
మూతగట్టిన భారాన్ని నెత్తినెట్టుకొని
గుండెల్లో శోఖాన్ని తట్టుకొని

కదులుతోంది ప్రియ భారతం
చంకలో చంటి బిడ్డనేసుకొని
పాల కోసం ఏడుస్తున్న పాపని
రొమ్మునకు అదిమి పెట్టుకొని
మనసులో బాధను దాచి పెట్టుకొని

నడుస్తోంది యువ భారతం
విరిగిన చెప్పులకు దారాలు కట్టుకొని
జానెడు పొట్టను చేతబట్టుకొని
ఆకలి మంటలు తట్టుకొని
ఎర్రటి ఎండను ఓర్చుకొని

నడచి నడచి ఆగారు
ఆగి ఆగి నడిచారు
అలసట ఇంధనమయ్యింది
ఆశ పరుగయ్యింది
పొలిమేర పోషించట్లేదు
తీరం దయ చూపట్లేదు

కదులుతోంది జయ భారతం

కదులుతోంది ప్రియ భారతం

నడుస్తోంది యువ భారతం

రచన – పిటి పార్కర్

Also Read other poems

My pen/ నా కలము